Centurie IV(deuxième partie)
de l'édition posthume de Benoît Rigaud
parue à Lyon en 1568 (copie Anatole Le Pelletier)
du quatrain 0354 au 0365 |
|
0354 |
Du nom qui onque ne fut au Roy Gaulois, [gaulois]
Iamais ne fut vn foudre si craintif,
Tremblant l’Italie, l’Espagne & les Anglois
De femme estrangiers grandement attentif. |
|
0355 |
Quand la corneille sur tout de brique ioincte, [Quant] [tour]
Durant sept heures ne fera que crier:
Mort presagee de sang statue taincte,
Tyran meurtri, aux Dieux peuple prier. [murtry] |
|
0356 |
Apres victoire de rabieuse langue,
L’esprit tempté en tranquil & repos:
Victeur sanguin par conflict faict harangue,
Roustir la langue & la chair & les os [oz] |
|
0357 |
Ignare enuie au grand Roy supportee, [du]
Tiendras propos deffendre les escripts:
Sa femme non femme par vn autre tentee,
Plus double deux ne fort ne criz. [crys] |
|
0358 |
Soleil ardent dans le gosier coller,
De sang humain arrouser terre Etrusque:
Chef seille d’eau, mener son fils filer, [filz filet]
Captiue dame conduicte en terre Turque. [turque] |
|
0359 |
Deux assiegez en ardente ferueur,
De soif estaincts pour deux plaines tasses [plainnes]
Le fort limé, & vn vieillart resueur,
Aux Geneuois de Nira monstra trasse. |
|
0360 |
Les sept enfans en hostaige laissez,
Le tiers viendra son enfant trucider:
Deux par son fils seront d’estoc percez, [filz]
Gennes, Florence, les viendra enconder. [Florence lors] |
|
0361 |
Le vieulx mocqué & priué de sa place,
Par l’estranger qui le subornera:
Mains de son fils mangees deuant sa face,
Le frere à Chartres, Orl Roüan trahira. [chatres] |
|
0362 |
Vn coronel machine ambition,
Se saisira de la plus grande armee:
Contre son Prince fainte inuention, [prince feincte]
Et descouuert sera soubs sa ramee. [la] |
|
0363 |
L’armee Celtique contre les montaignars,
Qui seront sçeuz & prins à la pipee: [lipee]
Paysans frez pouseront tost faugnars,
Precipitez tous au fil de l’espee. |
|
0364 |
Le deffaillant en habit de bourgeois, [bourgois]
Viendra le Roy tenter de son offense:
Quinze soldats la pluspart Vstagois,
Vie derniere & chef de sa cheuance. |
|
0365 |
Au deserteur de la grand forteresse,
Apres qu’aura son lieu abandonné,
Son aduersaire fera [si] grand proüesse,
L’empereur tost mort sera condamné. [condemné] |
|