0378
La grand' armee de la pugne ciuile,
Pour de nuict Parme à l’estrange trouuee,
Septante neuf meurtris dedans la ville, [murtris]
Les estrangers passez tous à l’espee.

0379
Sang Royal fuis, Monhuit, Mas, Esguillon, [roy/Monthurt/Eguillon]
Remplis seront de Bourdelois les Landes, [landes]
Nauarre, Bygorre, poinctes & eguillons,
Profonds de faim vorer de Liege glandes. [liege]

0380
Pres du grand fleuue grand fosse terre egeste, [fluue]
En quinze pars sera l’eau diuisee: [l’eaue]
La cité prinse, feu, sang cris conflict mettre,
Et la pluspart concerne au collisee.

0381
Pont on fera promptement de nacelles,
Passer l’armee du grand Prince Belgique: [prince]
Dans profondez & non loing de Brucelles, [profondrés]
Outre passez, detranchez sept à picque.

0382
Amas s’approche venant d’Esclauonie,
L’Olestant vieux cité ruynera:
Fort desolée verra sa Romanie, [la]
Puis la grande flamme esteindre ne sçaura. [estaindre]

0383
Combat nocturne le vaillant capitaine,
Vaincu fuira peu de gens profligé: [profligez]
Son peuple esmeu, sedition non vaine,
Son propre fils le tiendra assiegé.

0384
Vn grand d’Auxerre mourra bien miserable,
Chassé de ceux qui sous luy ont esté:
Serré de chaines, apres d’vn rude cable,
En l’an que Mars, Venus & Sol mis en esté. [Venus, Sol]

0385
Le charbon blanc du noir sera chassé,
Prisonnier faict mené au tombereau,
More Chameau sur pieds entrelassez,
Lors le puisné fillera l’aubereau. [sillera]

0386
L’an que Saturne en eau sera conioinct, [eaue]
Auecques Sol, le Roy fort & puissant,
A Reims & Aix sera receu & oingt,
Apres conquestes meurtrira innocens. [murtrira]

0387
Vn fils du Roy tant de langues apprins,
A son aisné au regne different:
Son pere beau au plus grand fils comprins,
Fera perir principal adherant. [adeerant]

0388
Le grand Antoine du nom de faict sordide [du moindre]
De Phthyriaise à son dernier rongé: [Phintriase]
Vn qui de plomb voudra estre cupide,
Passant le port d’esleu sera plongé.

0389
Trente de Londres secret coniureront,
Contre leur Roy, sur le pont l’entreprise: [roy]
Luy, satallites la mort degousteront, [fatalistes]
Vn Roy esleu blonde, natif de Frize. [roy]

0390
Les deux copies aux murs ne pourront ioindre,
Dans cest instant trembler Milan, Ticin: [tremble]
Faim, soif, doutance, si fort les viendra poindre
Chair, pain, ne viures n’auront vn seul boucin. [bocin]

0391
Au Duc Gaulois contrainct battre au duelle, [duc gaulois]
La nef Mellele monech n’approchera, [Meselle]
Tort accusé, prison perpetuelle,
Son fils regner auant mort taschera.

0392
Teste tranchée du vaillant capitaine,
Sera iettée deuant son aduersaire: [getté]
Son corps pendu de la classe à l’antenne [sa]
Confus fuira par rames à vent contraire.

0393
Vn serpent veu proche du lict royal,
Sera par dame, nuict chiens n’abayeront:
Lors naistre en France vn Prince tant royal, [naistra] [prince]
Du ciel venu tous les Princes verront. [princes]

0394
Deux grands freres seront chassez d’Espaigne,
L’aisné vaincu sous les mons Pyrenées: [monts]
Rougir mer, Rosne, sang Lemand d’Alemaigne, [rosne/leman/d’alemaigne]
Narbon, Blyterre, d’Agath contaminees. [Bliterre] [d’Atheniens]

0395
Le regne à deux laissé bien peu tiendront,
Trois ans sept mois passez feront la guere: [guerre]
Les deux Vestales contre rebelleront, [vestales]
Victor puisnay en Armonique terre.

0396
La sœur aisnée de l’Isle Britannique [isle]
Quinze ans deuant le frere aura naissance:
Par son promis moyennant verrifique,
Succedera au regne de balance.

0397
L’an que Mercure, Mars, Venus retrograde,
Du grand Monarque la ligne ne faillir:
Esleu du peuple l’vsitant pres de Gagdole, [Gandole]
Qu’en paix & regne viendra fort enuieillir.

0398
Les Albanois passeront dedans Rome,
Moyennant Langres demipler affublez, [de miples affublés]
Marquis & Duc ne pardonnes à homme, [pardonner]
Feu, sang, morbiles, point d’eau faillir les bleds. [morbile] [blés]

0399
L’aisné vaillant de la fille du Roy,
Respoussera si profond les Celtiques, [repoulsera]
Qu’il mettra foudres, combien en tel arroy, [fouldres]
Peu & loing, puis profond és Hesperiques.

0400
De feu celeste au Royal édifice, [royal]
Quand la lumière de Mars defaillira: [Quant]
Sept mois grand guerre, mort gent de malefice
Roüan, Eureux au Roy ne faillira.