0501
Autour des monts Pyrenees grans amas
De gent estrange secourir Roy nouueau:
Pres de Garonne du grand temple du Mas,
Vn Romain chef le craindra dedans l’eau.

0502
En l’an cinq cens octante plus & moins,
On attendra le siècle bien estrange,
En l’an sept cens, & trois cieux en tesmoings,
Que plusieurs règnes vn à cinq feront change.

0503
Fleuue qu’esprouue le nouueau nay Celtique
Sera en grande de l’Empire discordes
Le ieune prince par gent ecclesiastique,
Ostera le sceptre coronal de concorde.

0504
Le Celtiq fleuue changera de riuage,
Plus ne tiendra la cité d’Agripine:
Tout transmué hormis le vieil langage,
Saturne, Leo, Mars, Cancer en rapine.

0505
Si grand famine par vnde pestifere.
Par pluye longue le long du polle arctique
Samarobryn cent lieux de l’hemisphere,
Viuront sans loy exempt de pollitique.

0506
Apparoistra vers le Septentrion
Non loin de Cancer l’estoille cheuelue:
Suze, Sienne, Boëce, Eretrion,
Mourra de Rome grand, la nuict disparue.

0507
Norneigre Dace, & l’Isle Britannique,
Par les vnis freres seront vexees:
Le chef Romain issu de sang Gallique
Et les copies aux forests repoussees.

0508
Ceux qui estoient en regne pour sçauoir,
Au Royal change deuiendront appouuris:
Vns exilez sans appuy or n’auoir,
Lettrez & lettres ne seront à grand pris.

0509
Aux sacrez temples seront faicts escandales,
Comptez seront par honneurs & loüanges:
D’vn que on graue d’argent d’or les medalles,
La fin sera en tourmens bien estranges.

0510
Vn peu de temps les temples des couleurs
De blanc & noir des deux entre meslee:
Rouges & iaunes leur embleront les leurs,
Sang, terre, peste, faim, feu d’eau affollee.

0511
Des sept rameaux à trois seront reduicts
Les plus aisnez seront surprins par mort,
Fratricider les deux seront seduicts,
Les coniurez en dormans seront morts.

0512
Dresser copies pour monter à l’empire,
Du Vatican le sang Royal tiendra:
Flamans, Anglois, Espagne auec Aspire,
Contre l’Italie & France contendra. [contiendra P. Rigaud]

0513
Vn dubieux ne viendra loing du regne,
La plus grand part le voudra soustenir.
Vn Capitole ne voudra point qu’il regne,
Sa grande charge ne pourra maintenir.

0514
Loing de sa terre Roy perdra la bataille,
Prompt eschappé poursuiuy suiuant prins,
Ignare prins soubs la doree maille,
Soubs feinct habit, & l’ennemy surprins.

0515
Dessoubs la tombe sera trouvé le Prince,
Qu’aura le pris par dessus Nuremberg:
L’espaignol Roy en capricorne mince,
Feinct & trahy par le grand Vvitemberg.

0516
Ce que rauy sera de ieune Milue,
Par les Normans de France & Picardie:
Les noirs du temple du lieu de Negrisilue
Feront aulberge & feu de Lombardie.

0517
Apres les limes bruslez les asiniers,
Contrains seront changer d’habits diuers: [Constrainctz] [habitz]
Les Saturnins bruslez par les meusniers, [musniers]
Hors la pluspart qui ne sera couuers.

0518
Par les Phisiques le grand Roy delaissé,
Par sort non art de l’Ebrieu est en vie,
Luy & son genre au regne haut poussé,
Grace donnee à gent qui Christ enuie.

0519
La vraye flamme engloutira la dame,
Qui voudra mettre les Innocens à feu:
Près de l’assaut l’exercite s’enflamme,
Quant dans Seuille monstre en bœuf sera veu.

0520
L’vnion feincte sera peu de duree;
Des vns changez reformez la pluspart :
Dans les vaisseaux sera gent endurée,
Lors aura Rome un nouveau Liepart.

0521
Quant ceux du polle arctic vnis ensemble,
En Orient grand effrayeur & crainte:
Esleu nouueau, soustenu le grand tremble,
Rodes, Bisence de sang Barbare teincte.

0522
Dedans la terre du grand temple celique,
Nepueu à Londre par paix feincte meurtry:
La barque alors deviendra schismatique,
Liberté feincte sera au corn’ & cry.

0523
D’esprit de regne munismes descriés,
Et seront peuples esmeuz contre leur Roy,
Paix, fait nouueau, sainctes loix empirees,
Rapis onc fut en si tresdur arroy.

0524
Mars & le sceptre se trouuera conioinct,
Dessoubs Cancer calamiteuse guerre:
Vn peu apres sera nouveau Roy oingt,
Qui par long temps pacifiera la terre.

0525
Par Mars contraire sera la monarchie,
Du grand pescheur en trouble ruyneux:
Ieune noir rouge prendra la hirarchie,
Les proditeurs iront iour bruyneux.

0526
Quatre ans le siege quelque peu bien tiendra,
Vn suruiendra libidineux de vie:
Rauenne & Pyse, Veronne soustiendront,
Pour esleuer la croix de Pape enuie.

0527
Dedans les Isles de cinq fleuues à vn,
Par le croissant du grand Chyren Selin:
Par les bruynes de l’air fureur de l’vn,
Six eschapez cachez fardeaux de lyn.

0528
Le grand Celtique entrera dedans Rome,
Menant amas d’exilez & bannis:
Le grand Pasteur mettra à mort tout homme,
Qui pour le coq estoyent aux Alpes vnis.

0529
La vefue saincte entendant les nouuelles,
De ses rameaux mis en perplex & trouble:
Qui sera duict appaiser les querelles,
Par son pourchas des razes fera comble.

0530
Par l’apparence de faincte saincteté,
Sera trahy aux ennemis le siege.
Nuict qu’on cuidoit dormir en seureté,
Pres de Brabant marcheront ceux de Liege.

0531
Roy trouuera ce qu’il desiroit tant,
Quand le Prelat sera reprins à tort:
Responce au Duc le rendra mal content,
Qui dans Milan mettra plusieurs à mort.

0532
Par trahison de verges à mort battu,
Prins surmonté sera par son desordre:
Conseil friuole au grand captif sentu,
Nez par fureur quant Berich viendra mordre.

0533
Sa main derniere par Alus sanguinaire,
Ne se pourra par la mer garentir:
Entre deux fleuues craindre main militaire,
Le noir l’ireux le fera repentir.

0534
De feu volant la machination,
Viendra troubler au grand chef assiegez:
Dedans sera telle sedition,
Qu’en desespoir seront les profligez.

0535
Pres de Rion, & proche à blanche laine,
Aries, Taurus, Cancer, Leo, la Vierge,
Mars, Iupiter, le Sol ardra grand plaine,
Boys & citez lettres cachez au cierge.

0536
Ne bien ne mal par bataille terrestre,
Ne paruiendra aux confins de Perouse,
Rebeller Pise, Florence voir mal estre,
Roy nuict blessé sur mulet à noire house.

0537
L’œuure ancienne se paracheuera,
Du toict cherra sur le grand mal ruyne:
Innocent faict mort on accusera,
Nocent caché taillis à la bruyne.

0538
Aux profligez de paix les ennemis,
Apres auoir l’Italie superee,
Noir sanguinaire, rouge. sera commis,
Feu, sang verser, eau de sang coloree.

0539
L’enfant du regne, par paternelle prinse
Expolié sera pour deliurer:
Aupres du lac Trasimen l’azur prinse,
La troupe hostage par trop fort s’enyurer.

0540
Grand de Magonce pour grande soif esteindre,
Sera priué de sa grande dignité:
Ceux de Cologne si fort le viendront plaindre,
Que le grand groppe au Rhin sera ietté.

0541
Le second chef du regne d’Annemarc,
Par ceux de Frize & l’Isle Britannique,
Fera despendre plus de cent mille marc,
Vain exploicter voyage en Italique.

0542
A Logmyon sera laissé le regne,
Du grand Selin qui plus fera de faict:
Par les Itales estendra son enseigne,
Regi sera par prudent contrefaict.

0543
Long temps sera sans estre habitee,
Où Signe & Marne autour vient arrouser: [Seine]
De la Tamise & martiaux tentee,
Deceuz les gardes en cuidant repousser.

0544
De nuict par Nantes Lyris apparoistra,
Des arts marins susciteront la pluye:
Arabiq. goulfre, grande classe parfondra,
Vn monstre en Saxe naistra d’ours & truye.

0545
Le gouuerneur du regne bien sçauant,
Ne consentir voulant au faict Royal:
Mellile classe par le contraire vent
Le remettra à son plus desloyal.

0546
Vn iuste sera en exil renuoyé,
Par pestilence aux confins de Nonseggle,
Response au rouge le fera desuoyé,
Roy retirant à la Rane & à l’Aigle.

0547
Entre deux monts les deux grands assemblez,
Delaisseront leur simulté secrette:
Brucelle & Dolle par Langres accablez,
Pour à Malignes executer leur peste.

0548
La saincteté trop feinte & seductiue,
Accompagné d’vne langue diserte:
La cité vieille, & Parme trop hastiue,
Florence & Sienne, rendront plus desertes.

0549
De la partie de Mammer grand Pontife,
Subiuguera les confins du Danube:
Chasser la croix, par fer raffe ni riffe,
Captifs, or, bague plus de cent mille rubes.

0550
Dedans le puys seront trouvez les os,
Sera l’inceste, commis par la maratre:
L’estat changé, on querra bruit & los,
Et aura Mars attendant pour son astre. [ascendant]

0551
Peuple assemblé, voir nouueau expectacle.
Princes & Roys par plusieurs assitans,
Pilliers faillir, murs : mais comme miracle
Le Roy sauué & trente des instans.

0552
En lieu du grand qui sera condamné,
De prison hors, son amy en sa place:
L’espoir Troyen en six mois ioinct, mort né,
Le Sol à l’vrne seront prins fleuues en glace.

0553
Le grand Prelat Celtique à Roy suspect,
De nuict par cours sortira hors du regne:
Par Duc fertile à son grand Roy Bretaigne,
Bisance à Cypres & Tunes insuspect.

0554
Au poinct du iour au second chant du coq,
Ceux de Tunes, de Fez & de Bugie,
Par les Arabes, captif le Roy Maroq,
L’an mil six cens & sept, de Liturgie.

0555
Au chalmé Duc en arrachant l’esponce,
Voile Arabesque voir, subit descouuerte:
Tripolis, Chio, & ceux de Trapesconce,
Duc prins, Marnegro & la cité deserte.

0556
La crainte armee de l’ennemy Narbon
Effrayera si fort les Hesperiques:
Parpignan vuide par l’aueugle darbon,
Lors Barcelon par mer donra les piques.

0557
Celuy qu’estoit bien auant dans le regne,
Ayant chef rouge proche à [la] hierarchie:
Aspre & cruel, & se fera tant craindre
Succedera à sacré monarchie.

0558
Entre les deux monarques esloignez,
Lors que le Sol par Selin clair perduë,
Simulté grande entre deux indignez,
Qu’aux Isles & Sienne la liberte renduë.

0559
Dame en fureur par rage d’adultere,
Viendra à son Prince coniurer non de dire:
Mais bref cogneu sera la vitupere,
Que seront mis dix-sept à martyre.

0560
Le Prince hors de son terroir Celtique
Sera trahy, deceu par interprete:
Rouan, Rochelle par ceux de l’Armorique
Au port de Blaue deceus par moyne & prestre.

0561
Le grand tappis plié ne monstrera,
Fors qu’à demy la pluspart de l’histoire:
Chassé du regne loing aspre apparoistra,
Qu’au faict bellique chacun le viendra croire.

0562
Trop tard tous deux les fleurs seront perdues,
Contre la loy serpent ne voudra faire:
Des ligueurs forces par gallots confondues,
Sauone, Albingue par monech grand martyre.

0563
La dame seule au regne demeuree.
D’vnic esteint premier au lict d’honeur:
Sept ans sera de douleur exploree,
Puis longue vie au regne par grand heur.

0564
On ne tiendra pache aucune arresté,
Tous receuans iront par tromperie:
De paix & trefue, terre & mer protesté.
Par barcelone classe prins d’industrie.

0565
Gris & bureau demie ouuerte guerre,
De nuict seront assaillis & pillez:
Le bureau prins passera par la serre,
Son temple ouuert, deux au plastre grillez.

0566
Au fondement de la nouuelle secte,
Seront les os du grand Romain trouuez,
Sepulchre en marbre apparoistra couuerte,
Terre trembler en Auril, mal enfoüetz.

0567
Au grand Empire paruiendra tout vn autre,
Bonté distant plus de felicité:
Regi par vn issu non loing du peautre,
Corruer regnes grande infelicité.

0568
Lors que soldats fureur seditieuse,
Contre leur chef feront de nuict fer luire:
Ennemy d’Albe soit par main furieuse,
Lors vexer Rome, & principaux seduire.

0569
La pitié grande sera sans loing tarder,
Ceux qui donnoyent seront contraints de prendre:
Nuds affamez de froid, soif, soy bander,
Les monts passer commettant grand esclandre.

0570
Au chef du monde le grand Chyren sera,
Plus outre apres ayme, craint, redouté:
Son bruit & los les cieux surpassera,
Et du seul tiltre victeur fort contenté.

0571
Quand on viendra le grand Roy parenter
Auant qu’il ait du tout l’ame rendue:
Celuy qui moins le viendra lamenter,
Par Lyons, aigles, croix couronne venduë.

0572
Par fureur feinte d’esmotion diuine,
Sera la femme du grand fort violee:
Iuges voulans damner telle doctrine,
Victime au peuple ignorant immolee.

0573
En cité grande vn moyne & artisan,
Pres de la porte logez & aux murailles,
Contre Modene secret, caue disant
Trahis pour faire sous couleur d’espousailles.

0574
La dechassee au regne tournera,
Ses ennemis trouuez des coniurez:
Plus que iamais son temps triomphera,
Trois & septante à mort trop asseurez.

0575
Le grand pillot par Roy sera mandé,
Laisser la classe pour plus haut lieu atteindre:
Sept ans apres sera contrebandé,
Barbare armee viendra Venise craindre.

0576
La cité antique d’antenoree forge,
Plus ne pouuant le tyran supporter
Le manchet feinct au temple couper gorge,
Les siens le peuple à mort viendra bouter.

0577
Par la victoire du deceu fraudulente,
Deux classes vne, la reuolte Germaine,
Le chef meurtry & son fils dans la tente,
Florence, Imole pourchassez dans Romaine.

0578
Crier victoire du grand Selin croissant:
Par les Romains sera l’Aigle clamé,
Ticcin Millan & Genes n’y consent,
Puis par eux mesmes Basil grand reclamé.

0579
Pres de Tesin les habitans de Loire,
Garonne, Saone, Saine, Tain & Gironde,
Outre les monts dresseront promontoire.
Conflict donné Pau granci, sumerge onde.

0580
De Fez le regne paruiendra à ceux d’Europe,
Feu leur cité & lame tranchera.
Le grand d’Asie terre & mer à grand troupe,
Que bleux, pers, croix, à mort dechassera.

0581
Pleurs cris & plaints heurlemens, effrayeur,
Cœur inhumain, cruel, noir & transy.
Leman les Isles, de Gennes les maieurs,
Sang espacher, frofaim à nul mercy.

0582
Par les deserts de lieu libre & farouche,
Viendra errer nepueu du grand Pontife:
Assommé à sept auecques lourde souche,
Par ceux qu’apres occuperont le Cyphe.

0583
Celuy qu’aura tant d’honneur & caresses,
A son entree de la Gaule Belgique.
Vn temps apres fera tant de rudesses,
Et sera contre à la fleur tant bellique.

0584
Celuy qu’en Sparte Claude ne peut regner,
Il fera tant par voye seductiue:
Que du court, long, le fera araigner,
Que contre Roy fera sa perspectiue.

0585
La grand’cité de Tharse par Gaulois.
Sera destruite, captifs tous à Turban:
Secours par mer du grand Portugalois,
Premier d’esté le iour du sacre Vrban.

0586
Le grand Prelat vn jour apres son songe,
Interpreté au rebours de son sens:
De la Gascogne luy suruiendra vn monge,
Qui fera eslire le grand prelat de Sens.

0587
L’election faicte dans Frankfort,
N’aura nul lieu, Milan s’opposera:
Le sien plus proche semblera si grand fort,
Qu’outre le Rhin és mareschs chassera.

0588
Vn regne grand demourra desolé,
Aupres de l’Hebro se feront assemblees:
Monts Pyrenees le rendront consolé,
Lors que dans May seront terres tremblees.

0589
Entre deux cymbes piedz & mains estachés,
De miel face oingt, & de laict substanté,
Guespes & mouches, fitine amour fachez
Poccilateur faucer, Cyphe tenté.

0590
L’honnissement puant abominable
Apres le faict sera felicité
Grand excusé pour n’estre fauorable,
Qu’à paix Neptune ne sera incité.

0591
Du conducteur de la guerre nauale,
Rouge effrené, seuere, horrible grippe,
Captif eschappé de l’aisné dans la baste:
Quand il naistra du grand vn fils Agrippe.

0592
Prince de beauté tant venuste,
Au chef menee, le second faict trahy.
La cité au glaiue de poudre face aduste,
Par trop grand meurtre le chef du Roy hay.

0593
Prelat auare d’ambition trompé,
Rien ne sera que trop viendra cuider:
Ses messagers & luy bien attrapé,
Tout au rebours voir, qui le bois fendroit.

0594
Vn Roy iré sera aux sedifragues,
Quand interdicts seront harnois de guerre:
La poison taincte au succre par les fragues
Par eaux meurtris, morts, disant serre serre.

0595
Par detracteur calumnié à puis nay,
Quand istront faicts enormes & martiaux:
La moindre part dubieuse à l’aisnay,
Et tost au regne seront faicts partiaux.

0596
Grande cité à soldats abandonnee,
Oncques n’y eust mortel tumult si proche:
O quelle hideuse calamité s’approche,
Fors vne offence n’y sera pardonnee.

0597
Cinq & quarante degrez ciel bruslera
Feu approcher de la grand cité neuue
Instant grand flamme esparse sautera
Quand on voudra des Normans faire preuue.

0598
Ruyné au Volsques de peur si fort terribles,
Leur grand cité taincte, faict pestilent:
Pille Sol, Lune & violer leurs temples,
Et les deux fleuves rougir de sang coulant.

0599
L’ennemy docte se tournera confus.
Grand camp malade, & defaict par embusches,
Monts Pyrenees & Pœnus luy seront faicts refus,
Proche du fleuue descouurant antiques oruches

0600
Legis cantion (cautio) contra ineptos criticos
Quos legent hosce versus maturè cesunto,
Profanum vulgus & inscium ne attrectato:
Omnesq; Astrologi Sienni, Barbari procul sunto, [Blennis]
Qui aliter facit, is rite sacer esto.