Centurie VII
les douze quatrains mensuels (+1) de l'almanach
de l'année 1559
du quatrain 0677/5801 au 0688/5812 |
|
5900 |
D’esprit diuin l’ame presage atteinte
Trouble, famine, peste, guerres courir,
Eaux, siccitez, terre & mer de sang teinte,
Paix, trefue, à naistre, Prelats, Prince mourir. |
|
0689/5901 |
Plus le Grand n’estre pluye au char le cristal,
Tumulte esmeu de tous biens abondance,
Rasez, Sacrez, neufs, vieux espouuantal,
Esleu ingrat mort, plaint, ioye, alliance. |
|
0690/5902 |
Grain corrompu air pestilent locustes,
Subit cherra, noue nouuelle naistre,
Captifs ferrez,legers, haut bas, onustes,
Par ses os mal qu’à Roy n’a voulu estre. |
|
0691/5903 |
Saisis au temple, par sectes longue brigue,
Esleu raui au bois forme querelle,
Septante pars naistre nouuelle ligue
De là leur mort, Roy apaisé nouuelle. |
|
0692/5904 |
Roy salué Victeur, Imperateur,
La foy faussée, le Royal fait congnu,
Sang Mathien, Roy fait superateur
De gent superbe, humble par pleurs venu. |
|
0693/5905 |
Par le despit nopces, epithalame,
Par les trois parts Rouges, Razes partis,
Au ieune noir remis par flamme l’ame,
Au grand Neptune Ogmius conuertis. |
|
0694/5906 |
De maison sept par mort mortelle suite,
Gresle, tempeste, pestilent mal, fureurs,
Roy d’Orient, d’Occident tous en fuite,
Subiuguera ses iadis conquereurs : |
|
0695/5907 |
Predons pillez, chaleur, grand secheresse :
Par trop non estre, cas non veu, inouï,
A l’estranger la trop grande caresse,
Neuf pays Roy, l’Orient esblouy. |
|
0696/5908 |
L’vrne trouuée, la cité tributaire,
Champs diuisez, nouuelle tromperie,
l’Hispan blessé, faim, peste militaire,
Moq. obstiné, confus, mal, resuerie. |
|
0697/5909 |
Vierges & vefues, vostre bon temps s’approche,
Point ne sera ce que lon pretendra,
Loin s’en faudra que soit nouuelle approche,
Bien aisez pris, bien remis, pis tiendra. |
|
0698/5910 |
Icy dedans se paracheuera,
Les trois Grands hors, le BON-BOVRG sera loing,
En contre d’eux l’vn d’eux conspirera,
Au bout du mois on verra le besoin. |
|
0699/5911 |
Propos tenus, nopces recommencées,
La Grande Grande sortira hors de France,
Voix à Romagne de crier non lassée,
Reçoit la paix par trop feinte asseurance. |
|
0700/5912 |
La ioye en larmes viendra captiuer Mars,
Deuant le Grand seront esmeus Diuins :
Sans sonner mot entreront par trois pars,
Mars assoupi, dessus glas troutent vins. |
|