Centurie I
de la première édition de Macé
Bonhomme
parue à Lyon en 1555 (bibliothèque d'Albi)
du quatrain 0025 au 0036 |
|
0025 |
Perdu,trouvé,caché de si long siecle
Sera pasteur demi dieu honore,
Ains que la lune acheue son grand cycle
Par autres veux sera deshonoré. |
|
0026 |
Le grand du fouldre tumbe d’heure diurne,
Mal & predict par porteur postulaire
Suiuant presaige tumbe d’heure nocturne,
Conflit Reins,Londres,Etrusque pestifere. |
|
0027 |
Dessoubz de chaine Guien du ciel frappe,
Non loing de la est caché le tresor,
Qui par longs siecles auoit este grappé,
Trouue moura:l’œil creué de ressort. |
|
0028 |
La tour de Bouq gaindra fuste Barbare,
Vn temps long temps apres barque hesperique,
Bestail,gens, meubles tous deux feront grant tare
Taurus & Libra quelle mortelle picque! |
|
0029 |
Quand le poisson terrestre & aquatique
Par forte vague au grauier sera mis,
Sa forme estrange suaue & horrifique,
Par mer aux murs bien tost les ennemis. |
|
0030 |
La nef estrange par le tourment marin
Abourdera pres de port incongneu,
Nonobstant signes de rameau palmerin
Apres mort,pille:bon auis tard venu. |
|
0031 |
Tant d’ans les guerres en Gaule dureront,
Oultre la course du Castulon monarque,
Victoire incerte trois grands couronneront
Aigle,coq,lune,lyon,soleil en marque. |
|
0032 |
Le grand empire sera tost translaté
En lieu petit qui bien tost viendra croistre:
Lieu bien infime d’exigue comté
Ou au milieu viendra poser son sceptre |
|
0033 |
Prés d’vn grant pont de plaine spatieuse,
Le grand lyon par force Cesarées
Fera abbatre hors cité rigoreuse,
Par effroy portes luy seront reserées. |
|
0034 |
L’oyseau de proye volant a la senestre
Auant conflict faict aux Francoys pareure
L’vn bon prendra,l’vn ambigue sinistre,
La partie foyble tiendra par bon augure. |
|
0035 |
Le lyon ieune le vieux surmontera,
En champ bellique par singulier duelle,
Dans caige d’or les yeux luy creuera:
Deux classes vne,puis mourir,mort cruelle. |
|
0036 |
Tard le monarque se viendra repentir
De n’auoir mis à mort son aduersaire:
Mais viendra bien à plus hault consentir
Que tout son sang par mort fera defaire. |
|