Centurie II
de la première édition de Macé
Bonhomme
parue à Lyon en 1555 (bibliothèque d'Albi)
du quatrain 0101 au 0112 |
0101 |
Vers Aquitaine par insults Britanniques,
De par eux mesmes grandes incursions. [Et par eux]
Pluies,gelées feront terroirs iniques,
Port Selyn fortes fera inuasions. |
0102 |
La teste blue fera la teste blanche
Autant de mal que France a fait leur bien.
Mort a lanthenne grand pendu sus la branche,
Quand prins des siens le roy dira combien. |
0103 |
Pour la chaleur solaire sus la mer
De Negrepont les poissons demis cuits:
Les habitants les viendront entamer
Quand Rod.& Gennes leur faudra le biscuit |
0104 |
Depuis Monech iusques au pres de Secile
Toute la plage demourra desolée,
Il ny aura fauxbourg,cité,ne vile [ville]
Que par Barbares pillée soit & vollée. |
0105 |
Quen dans poisson,fer & letre enfermée
Hors sortira qui puys fera la guerre,
Aura par mer sa classe bien ramée
Apparoissant pres de Latine terre. |
0106 |
Aupres des portes & dedans deux cités
Seront deux fleaux onques naperceu vn tel,
Faim dedans peste,de fer hors gens boutés,
Crier secours au grand Dieu immortel. |
0107 |
Entre plusieurs aux isles deportés
Lvn estre nay à deux dens en la gorge [Lun]
[dents]
Mourront de faim les arbres esbrotés [esbroutés]
Pour eux neuf roy nouel edict leur forge. [nouuel] |
0108 |
Temples sacrés prime façon Romaine
Reieteront les goffes fondements,
Prenant leurs loys premieres & humaines,
Chassant,non tout,des saints les cultements. |
0109 |
Neuf ans le regne le maigre en paix tiendra,
Puis il cherra en soif si sanguinaire:
Pour luy grand peuple sans foy & loy mourra
Tué par vn beaucoup plus de bonnaire. |
0110 |
Auant long temps le tout sera rangé
Nous esperons vn siecle bien senestre:
Lestat des masques & des seulz bien changé
Peu troueront qua son rang veuille estre. |
0111 |
Le prochain fils de lasnier paruiendra
Tant esleué iusques au regne des fors,
Son aspre gloire vn chascun la craindra,
Mais ses enfants du regne getés hors. |
0112 |
Yeux clos,ouuerts dantique fantasie
Lhabit des seulz seront mis à neant,
Le grand monarque chastiera leur frenesie:
Rauir des temples le tresor par deuant. |
|