0113
Le corps sans ame plus n’estre en sacrifice.
Iour de la mort mis en natiuité.
L’esprit diuin fera l’ame felice
Voiant le verbe en son eternité.

0114
A. Tours,Iean, garde seront yeux penetrants
Descrouuriront de loing la grand sereyne,
Elle & sa suitte au port seront entrants
Combats,poulsés,puissance souueraine.

0115
Vn peu deuant monarque trucidé?
Castor Pollux en nef,astre crinite.
L’erain publiq par terre & mer vuidé
Pise, Ast, Ferrare, Turin, terre interdicte.

0116
Naples,Palerme,Secille,Syracuses
Nouueaux tyrans,fulgures feuz celestes:
Force de Londres,Gand,Brucelles,& Suses
Grand hecatombe,triumphe,faire festes.

0117
Le camp du temple de la vierge vestale,
Non esloigné d’Ethne & monts Pyrenées:
Le grand conduict est caché dens la male
North.getés fluues & vignes mastinées.

0118
Nouuelle & pluie subite impetueuse
Empeschera subit deux exercites.
Pierre, ciel,feuz faire la mer pierreuse,
La mort de sept terre & marin subites.

0119
Nouueaux venus,lieu basti sans defense, [veneus]
Occuper place par lors inhabitable.
Prez,maisons,champs,villes prendre a plaisance, [maisons]
Faim,peste,guerre, arpen long labourable.

0120
Freres & seurs en diuers lieux captifs
Se trouueront passer pres du monaque, [monarque]
Les contempler ses rameaux ententifz,
Desplaisant voir menton,front,nez,les marques.

0121
L’embassadeur enuoyé par biremes
A mi chemin d’incogneuz repoulses: [incongneuz repoulsés]
De sel renfort viendront quatre triremes,
Cordes & chaines en Negrepont troussés. [troussés]

0122
Le camp Asop d’Eurotte partira,
S’adioignant proche de lisle submergée: [l’isle]
D’Arton classe phalange pliera,
Nombril du monde plus grand voix subrogée.

0123
Palais,oyseaux,par oyseau dechassé, [oyseau]
Bien tost apres le prince preuenu,
Combien qu’hors fleuue enemis repoulsé [ennemi]
Dehors saisi trait d’oyseau soustenu.

0124
Bestes farouches de faim fluues tranner:
Plus part du camp encontre Hister sera,
En caige de fer le grand fera treisner, [traisner]
Quand R in enfant Germain obseruera

0125
La garde estrange trahira forteresse: [garce]
Espoir & vmbre de plus hault mariage.
Garde deceue,sort prinse dans la presse,
Loyre,Son.Rosne,Gar.à mort oultrage. [oultragée]

0126
Pour la faueur que la cité fera
Au gran qui tost perdra champ de bataille, [grand]
Fuis le rang Po,Thesin versera
De sang,feuz,morts,noyes de coup de taille.

0127
Le diuin verbe sera du ciel frapé,
Qui ne pourra proceder plus auant.
Du reserant le secret estoupé
Qu’on marchera par dessus & deuant.

0128
Le penultime du surnom du prophete
Prendra Diane pour son iour & repos:
Loing vaguera par frenetique teste,
Et deliurant vn grand peuple d’impos.

0129
L’oriental sortira de son siege,
Passer les monts Apennins,voir la Gaule:
Transpercera du ciel les eaux & neige:
Et vn chascun frapera de sa gaule.

0130
Vn qui les dieux d’Annibal infernaulx
Fera renaistre,effrayeur des humains
Oncq’ plus d’horreurs ne plus pire iournaux
Qu’auint viendra par Babel aux Romains.

0131
En Campanie Cassilin sera tant
Qu’on ne verra que d’eaux les champs couuerts
Deuant apres la pluye de long temps
Hors mis les arbres rien l’on verra de vert.

0132
Laict,sang,grenoilles escoudre en Dalmatie,
Conflit donné,peste pres de Balenne:
Cry sera grand par toute Esclauonie
Lors naistra monstre pres & dedans Rauenne.

0133
Par le torrent qui descent de Verone
Par lors qu’au Po guindera son entrée,
Vn grand naufraige,& non moins en Garonne
Quant ceux de Gennes marcheront leur contrée.

0134
L’ire insensée du combat furieux
Fera à table par freres le fer luire
Les despartir mort,blessé,curieux:
Le fier duelle viendra en France nuire.

0135
Dans deux logis de nuit le feu prendra,
Plusieurs dedans estoufés & rostis.
Pres de deux fleuues pour seur il auiendra
Sol,l’Arq,& Caper tous seront amortis.

0136
Du grand Prophete les letres seront prinses
Entre les mains du tyrant deuiendront:
Frauder son roy seront ses entreprinses,
Mais ses rapines bien tost le troubleront.

0137
De ce grand nombre que lon enuoyera
Pour secourir dans le fort assiegés,
Peste & famine tous les deuorera
Hors mis septante qui seront profligés.

0138
Des condemnés sera fait vn grand nombre
Quand les monarques seront conciliés:
Mais a l’vn d’eux viendra si malencombre
Que guerres ensemble ne seront raliés. [gueres]

0139
Vn an deuant le conflit Italique,
Germain,Gaulois,Hespagnols pour le fort:
Cherra l’escolle maison de republique,
Ou,hors mis peu,seront suffoqués morrs. [morts]

0140
Vn peu apres non point longue interualle.
Par mer & terre sera fait grand tumulte,
Beaucoup plus grande sera pugne nauale,
Feus,animaux,qui plus feront d’insulte.

0141
La grand’ estoile par sept iours bruslera,
Nuée fera deux soleils apparoir:
Le gros mastin toute nuit hurlera
Quand grand pontife changera de terroir.

0142
Coq,chiens,& chats de sang seront repeus,
Et de la plaie du tyrant trouué mort,
Au lict d’vun autre iambes & bras rompus, [d’vn]
Qui n’auoit peur mourir de cruel mort.

0143
Durant l’estoyle cheuelue apparente,
Les trois grans princes seront fait ennemis, [grands] [faits]
Frappes du ciel,paix terre tremulente.
Po,Tymbre vndants,serpant sus le bort mis.

0144
L’aigle pousée en tour des pauillons [posée]
Par autres oyseaux d’entour sera chassée, [chassee]
Quand bruit des cymbres,tubes & sonnaillons
Rendront le sens de la dame insensée.

0145
Trop le ciel pleure l’Androgyn procrée,
Pres de ce ciel sang humain respandu,
Par mort trop tarde grand peuple recrée
Tard & tost vient le secours attendu.

0146
Apres grandtrouble humain, plus grand s’aprest(e) [s’apste]
Le grand mouteur les siecles renouuele. [moteur]
Pluie,sang,laict,famine,fer,& peste
Au ciel veu,feu courant longue estincele.

0147
L’ennemi grand viel dueil meurt de poison:
Les souuerains par infinis subiuguez.
Pierres plouuoir,cachés sous la toison: [toyson]
Par mort articles en vain sont allegués.

0148
La grand copie que passera les monts.
Saturne en l’Arq tournant du poisson Mars
Venins cachés sous testes de saulmons:
Leurs chief pendu à fil de polemars.

0149
Les conseilliers du premier monopole,
Les conquerants seduits pour la Melite:
Rodes,Bisance pour leurs exposant pole:
Terre faudra les poursuiuants de fuite.

0150
Quand ceux d’Ainault,de Gand & de Brucelles
Verront à Langres le siege deuant mis
Derrier leurs flancz seront guerres crueles,
La plaie antique fera pis qu’ennemis.

0151
Le sang du iuste à Londres fera faute
Bruslés par fouldres de vint trois les six.
La dame antique cherra de place haute:
De mesme secte plusieurs seront occis.

0152
Dans plusieurs nuits la terre tremblera:
Sur le prins temps deux effors suite:
Corynthe,Ephese aux deux mers nagera:
Guerre s’esmeut par deux vaillans de luite.

0153
La grande peste de cite maritime
Ne cessera que mort ne soit vengée
Du iuste sang,par pris damne sans crime
De la grand dame par feincte n’outraigée.

0154
Par gent estrange,& de Romains loingtaine
Leur grand cité apres eaue fort troublée,
Fille sans main,trop different domaine,
Prins chief,sarreure n’auoir esté riblée.

0155
Dans le conflit le grand qui peuvalloyt,
A son dernier fera cas merueilleux:
Pendant qu’Hadrie verra ce qu’il falloyt,
Dans le banquet pongnale l’orguilleux.

0156
Que peste & glaiue n’a peu seu definer
Mort dans le puys,sommet du ciel frappé.
L’abbé mourra quand verra ruiner
Ceulx du naufraige l’escueil voulant grapper.

0157
Auant conflit le grand mur tumbera:
Le grand à mort,mort trop subite & plainte:
Nay imparfaict:la plus part nagera:
Aupres du fleuue de sang la terre tainte.

0158
Sans pied ne main par dend ayguë & forte
Par globe au fort deporc & laisné nay:
Pres du portail desloyal se transporte
Silene luit,petit grand emmené.

0159
Classe Gauloyse par apuy de grand garde
Du grand Neptune,& ses tridents souldars
RousgéeProuence pour sostenir grand bande:
Plus Mars Narbon.par iauelotz & dards.

0160
La foy Punicque en Orient rompue
Gang.Iud.& Rosne,Loyre , & Tag changeront,
Quand du mulet la faim sera repue,
Classe espargie,sang & corps nageront.

0161
Euge,Tamins,Gironde & la Rochele:
O sang Troien! Mars au port de la flesche
Derrier le fleuue au fort mise l’eschele,
Pointes a feu gran meurtre sus la bresche.

0162
Mabus puis tost alors mourra,viendra
De gens & bestes vne horrible defaite:
Puis tout à coup la vengence on verra
Cent,main,soif,faim,quand courra la comete.

0163
Gaulois, Ausone bien peu subiuguera,
Po,Marne,& Seine fera Perme l’vrie
Qui le grand mur contre eux dressera
Du moindre au mur le grand perdra la vie.

0164
Seicher de faim,de soif gent Geneuoise
Espoir prochain viendra au defaillir,
Sur point tremblant sera loy Gebenoise.
Classe au grand port ne se peult acuilir.

0165
Le parc enclin grande calamité
Par l’Hesperie & Insubre fera:
Le feu en nef,peste & captiuité:
Mercure en l’Arq Saturne fenera.

0166
Par grans dangiers le captif echapé:
Peu de temps grand la fortune changée.
Dans le palais le peuple est atrapé
Par bon augure la cité est assiegée.

0167
Le blonde au nez forche viendra commetre
Par le duelle & chassera dehors:
Les exiles dedans fera remetre
Aux lieux marins commetant les plus forts.

0168
De l’Aquilon les effors seront grands:
Sus l’Ocean sera la porte ouuerte,
Le regne en l’isle sera reintegrand:
Tremblera Londres par voile descouuerte.

0169
Le roy Gauloys par la Celtique dextre
Voiant discorde de la grand Monarchie,
Sus les trois pars fera fleurir son sceptre,
Contre la cappe de la grand Hirarchie.

0170
Le dard du ciel fera son extendue
Mors en parlant:grande execution.
La pierre en l’arbre,la fiere gent rendue,
Brut,humain monstre,purge expiation.

0171
Les exilés en Secile viendront
Pour deliurer de faim la gent estrange:
Au point du iour les Celtes luy faudront:
La vie demeure a raison:roy se range.

0172
Armée Celtique en Italie vexée
De toutes pars conflit & grande perte:
Romains fuis,ô Gaule repoulsée.
Pres du Thesin,Rubicon pugne incerte.

0173
Au lac Fucin de Benac le riuaige
Prins du Leman au port de l’Orguion:
Nay de troys bras predict belliq image,
Par troys couronnes au grand Endymion.

0174
DeSens,d’Autun viendront iusques auRosne
Pour passer outre vers les monts Pyrenées:
La gent sortir de la Marque d’Anconne:
Par terre & mer le suiura à grans trainées.

0175
La voix ouye de l’insolit oyseau,
Sur le canon du respiral estaige,
Si haut viendra du froment le boisseau,
Que l’homme d’homme sera Anthropophage.

0176
Foudre en Bourgoigne fera cas portenteux,
Que par engin ne pourroit faire
De leur senat sacriste fait boiteux
Fera sauoir aux ennemis l’affaire

0177
Par arcs feuz poix & par feuz repoussés:
Cris,hurlements sur la minuit ouys.
Dedans sont mis par les ramparts cassés
Par cunicules les traditeurs fuis.

0178
Le grand Neptune du profond de la mer
De gent Punique & sang Gauloys meslé,
Les Isles à sang,pour le tardif ramer:
Plus luy nuira que l’occult mal celé.

0179
La barbe crespe & noire par engin
Subiuguera la gent cruele & fiere.
Le grand chyren ostera du longin
Tous les captifs par Seline baniere.

0180
Apres conflit du lesé l’eloquence
Par peu de temps se tramme faint repos:
Point l’on n'admet les grands à deliurance:
Les ennemis sont remis à propos.

0181
Par feu du ciel la cité presque aduste:
L’Vrne menasse encor Deucalion:
Vexée Sardaigne par la Punique fuste
Apres que Libra lairra son Phaëton.

0182
Par faim la proye fera loup prisonnier
L’assaillant lors en extreme detresse.
Le nay aiant au deuant le dernier,
Le grand n’eschappe au milieu de la presse.

0183
Le gros trafficq du grand Lyon change
La plus part tourne en pristine ruine,
Proye aux souldars par pille vendange
Par Iura mont & Sueue bruine.

0184
Entre Campaigne,Sienne,Flora,Tuscie
Six moys neufz iours ne plouura vne goute.
L’estrange langue en terre Dalmatie
Courira sus:vastant la terre toute.

0185
Le vieux plain barbe sous l’estatut seuere,
A Lyon fait dessus l’Aigle Celtique:
Le petit grand trop outre perseuere:
Bruit d’arme au ciel:mer rouge Lygustique:

0186
Naufraige a classe pres d’onde Hadriatique:
La terre esmeuë sus l’air en terre mis:
Egypte tremble augment Mahommetique
L’Herault soy rendre à crier est commis.

0187
Apres viendra des extremes contrées
Prince Germain sus le throsne doré:
La seruitude & eaux rencontrees
La dame serue,son temps plus n’adoré.

0188
Le circuit du grand faict ruineux
Le nom septiesme du cinquiesme sera:
D’vn tiers plus grand l’estrange belliqueux.
Monton,Lutece,Aix ne garantira.

0189
Du iou seront demis les deux grandz maistres
Leur grand pouuoir se verra augmenté:
La terre neufue sera en ses haults estres:
Au sanguinaire le nombre racompté.

0190
Par vie & mort changé regne d’Ongrie:
La loy sera plus aspre que seruice,
Leur grand cité d’vrlements plaincts & crie:
Castor & Pollux ennemis dans la lyce.

0191
Soleil leuant vn grand feulon verra
Bruit & clarté vers Aquilon tendant:
Dedans le rond mort & cris lont orra
Par glaiue,feu,faim,mort les attendants.

0192
Feu couleur d’or du ciel en terre veu:
Frappé du hault,nay,fait cas merueilleuz:
Grad meurtre humain:prins du grand le nepueu,
Morts d’expectacles eschappé l’orguilleux.

0193
Bien pres du Tymbre presse la Libytine:
Vng peu deuant grand inundation:
Le chef du nef prins,mis a la sentine:
Chasteau,palais en conflagration.

0194
G R A N.Po,grand mal pour Gauloys receura,
Vaine terreur au maritin Lyon:
Peuple infini par la mer passera,
Sans eschapper vn quart d’vn milion.

0195
Les lieux peuples seront inhabitables:
Pour champs auoir grande diuision:
Regnes liurés a prudents incapables:
Lors les grands freres mort & dissension.

0196
Flambeau ardent au ciel soir sera veu
Pres de la fin & principe du Rosne:
Famine,glaiue:tard le secours pourueu,
La Perse tourne enuahir Macedoine.

0197
Romain Pontife garde de t’approcher
De la cité qui deux fleuues arrouse,
Ton sang viendras au pres de la cracher,
Toy & les tiens quandfleurira la rose.

0198
Celuy du sang resperse le visaige
De la victime proche sacrifiée:
Tonant en Leo augure par presaige:
Mis estre à mort lors pour la fiancée.

0199
Terroir Romain qu’interpretoit augure,
Par gent Gauloyse sera par trop vexée:
Mais nation Celtique craindra l’heure,
Boreas,classe trop loing l’auoir poussée.

0200
Dedans les isles si horrible tumulte,
Rien on n’orra qu’vne bellique brigue,
Tant grand sera des predateurs l’insulte,
Qu’on se viendra ranger à la grand ligue.