Le Corpus Nostradamique
La Lettre à
César
(préfaçant les Centuries
1 à 7)
copie de l'édition princeps de 1555
de l'index C001 à C012 |
C001 |
préface DE M. MICHEL nostradamus
à ses Propheties.
Ad Cæsarem Nostradamum filium vie et felicite. |
C002 |
Ton tard aduenement cesar nostradame mon filz, m'a faict metttre
mon long temps par continuelles vigilations nocturnes referer
par escript, toy delaisser memoire,apres la corporelle extinction
de ton progeniteur, au commun profit des humains de ce que la
Diuine essence par Astronomiques reuolutions m'ont donne congnoissance. |
C003 |
Et depuis qu'il a pleu au Dieu immortel que tu ne soys venu en
naturelle lumiere dans ceste terrene plaige, & ne veulx dire
tes ans qui ne sont encores accompaignés, mais tes moys
Martiaulx incapables à recepuoir dans ton debile entendement
ce que ie seray contrainct apres mes iours definer: |
C004 |
veu qu'il n'est possible te laisser par escript ce que seroit
par l'iniure du temps obliteré: car la parolle hereditaire
de l'occulte prediction sera dans mon estomach intercluse: |
C005 |
consyderant aussi les aduentures de l'humain definement estre
incertaines: & que le tout est regi & guberné
par la puissance de Dieu inextimable, nous inspirant non par
bacchante fureur, ne par lymphatique mouuement, mais par astronomiques
assertions, |
C006 |
Soli numine diuino afflati præsagiunt, & spiritu
prophetico particularia
[Ceux-là seuls qui sont inspirés par la Divinité
peuvent prédire les faits particuliers avec un génie
prophétique]. |
C007 |
Combien que de longs temps par plusieurs foys i'aye predict long
temps au-parauant ce que depuis est aduenu & en particulieres
regions, attribuant le tout estre faict par la vertu & inspiration
diuine & aultres felices & sinistres aduentures de accelerée
promptitude prenoncées, que despuis sont aduenues par
les climats du monde |
C008 |
aiant voulu taire & delaissé pour cause de l'iniure,&
non tant seulement du temps present, mais aussi de la plus grande
part du futur, de metre par escrit,pource que les regnes sectes
& religions feront changes si opposites,voyre au respect
du present diametralement, |
C009 |
que si ie venoys à reserer ce que à l'aduenir sera,
ceux de regne,secte,religion, & foy trouueroient si mal accordant
à leur fantasie auriculaire, qu'il[s] viendro[i]ent à
damner ce que par les siecles aduenir on congnoistra estre veu
& apperceu: |
C010 |
Consyderant aussi la sentence du vray Sauueur, Nolite sanctum
dare canibus, nec mittatis margaritas ante porcos ne conculcent
pedibus & conuersi dirumpant vos [Ne donnez pas les choses
saintes aux chiens et ne jetez pas les perles aux pourceaux,
de peur qu'ils ne les foulent aux pieds et que, se tournant contre
vous, ils ne vous déchirent]. Qui a esté la cause
de faire retirer ma langue au populaire, & la plume au papier: |
C011 |
puis me suis voulu extendre declarant pour le commun aduenement
par obstruses & perplexes sentences les causes futures, mesmes
les plus vrgentes, & celles que i'ay apperceu, quelque humaine
mutation que aduiene ne scandalizer l'auriculaire fragilité,
& le tout escrit sous figure nubileuse, plus que du tout
prophetique : |
C012 |
combien que, Abscondisti hæc à sapientibus, &
prudentibus, id est potentibus & regibus, & enucleasti
ea exiguis & tenuibus [Tu as caché ces choses aux
sages et aux prudents, c'est-à-dire aux puissants et aux
rois; mais tu les as révélées aux petits
et aux faibles], & aux Prophetes:par le moyen de Dieu immortel,
& des bons anges ont receu l'esprit de vaticination, par
lequel ilz voyent les causes loingtaines, & viennent à
preuoyr les futurs aduenementz, |
|